Facebook
Forms & Conditions
Servus und habe die Ehre!
Do is unsre neie Seitn. Des war a ganz schees Gfrett, bis ma endlich ois baranand ghabt hamm, da legst di nieda, aba aiz is (fast) ois fiati. Duat wo no wos feid, weama no ebbs aine stain. Wiast dann scho sehng wennst imma wieda amoi vobai schaugst!
Mia samma Waidla, aiso vom Woid dahoam (vom Boarischen Woid füa eich Preissn). Bei Schweinsbron und Knel fain ma uns woi, mia mingma die 60ger und san a Bayern-Fans. Des is scho mindestens 18 Joa hea, wo mei Mo und i nach Brandenburg vozong hand (zwecks da Oabat, mia homma dene hoid heifa miassn beim Aufbau Ost). Irgendwann hamma vo da Oabat aus a „Standortanalyse für eine Westernstadt“ mocha miasn. Ja mei und zu a sechana Westernstodt ghean a de Pfeadln (John Wayne hoid) und dann hamma a wengal Unterricht gnumma. Ja mei und dann wamma krank mei Mo und i, weil mia hamma uns mit dem Pferdevirus infiziert. Und des mit dem Virus is ja nua dann heilbar, wenst saiba Pferdln host. Dann hamma waiche kafft und irgendwann hamm die Fohln ghabt. Ja mei und so simma hoid auf die Pferdln kemma.
Aiz hamma so vui, dass mas a vokaffa! Wennst a Pferdl vo uns mogst, dann ruaf hoid o, oda kimm voabei, dabei kunnst a die ganze Budscharee vo uns oschaung (mia homma ois sauba barranand).
Des hand fei Reining-Pferdln, wos ma mia do hom, wenn’st vostehst, wos i moan.
Mia kimma nem Boarisch a Englisch und Hochdeitsch sprecha, aba für die Waidla woitma a voständlich rüber kemma. Mia Weidla mayma ja zammhoitn, vostehst?
Merci füas lesn und kimm fei wieda!
